"ငါ့တိုင်းပြည်ထဲ ဆင်းမလာလီကေ့"
လပြည့်နယုန်နိမှာ စေတနာနန့်ထပ်ပနာအသိပီးလိုက်တေ
အေခေတ်ရခိုင်ပြည်စွာ မင်းရို့တိအတွက် သီဒဏ်ကျရာနယ်မြီတစ်ခု
သီလို့ကျန်ခဖို့လား ဗရဗွဒဏ်ရာနန့် ခြီမပါ လက်မပါ သီရာပါဒဏ်ရာတိနန့် ပြန်လီဖို့လား ကြိုက်စွာရွီးထား။
အကောင်းခန္ဓာနန့်မပြန်နိုင်ခကေတော့
အလောင်းကျန်ဘဝနန့်ဖြစ်စီရဖို့
အခေါင်းသန်ကတော့ ပက်ခုံးမှာအစိမဟိလူတိအဖို့ မသီခြာ
အလောင်းလှချင်ကေတော့ ကြိုရီးထားခ သီတန်းစာမှာ
ယေဇု-— ထပ်မှာလိုက်မယ် ဆင်းမလာလီကေ့
ငါ့တိုင်းပြည်ထဲ စေတနာနန့်အသိပီးလိုက်တေ။
တတိုင်သားကပြန် တတိုင်းသားကတော့ ကျန်
ပြန်လားလူတိကြောင့် အညာမြီမှာ အရယ်၊အပြုံးပွင့်နီကေလေ့
ကျန်ခလူတိအတွက်တော့ မင်းရို့အသက် ငါရို့လက်ထဲမှာ
အေနိ သီချင်ကေအေနိဖြစ်စီရဖို့ နက်ဖန် အသက်ထွက်ချင်ကေနက်ဖန်ဖြစ်စီရဖို့
မယုံမဟိလီကေ့ ရခိုင်ပြည်စွာ မင်းရို့အတွက် သီဒဏ်ကျရာနီရာ
စေတနာနန့်အသိပီးလိုက်တေ "ငါ့တိုင်းပြည်ထဲ ဆင်းမလာလီကေ့"။
ရခိုင်လူမျိုး
Dr.ညိုထွန်းအောင်
၂၀၁၉ ခုနှစ်၊ ဇွန်လ(၁၇) ရက်၊နယုန်လပြည့်၊တနင်္လာနိ၊ Credit Picture: