အလုပ်အကိုင်


အလုပ်မလုပ်ကေ အလုပ်မဖြစ်
အလုပ်လုပ်မှ အလုပ်ဖြစ်
အလုပ်လုပ်ဖို့အပျင်းရောဂါပိုးဝင်ခကေ
အလုပ်ကြွီးတင်လို့
အလုပ်တိရာ တောင်ပုံယာပုံ။

အလုပ်ကိုအလုပ်နန့် တူအောင်လုပ်မှ
အလုပ်စွာ အလုပ်ရုပ်ပေါက်
တစ်ခါတစ်ရီအလုပ်က
မလုပ်ချင်ဘဲလုပ်ရကေလေ့
အလုပ်ဟာအလုပ်ရာ။

အလုပ်ရှင်က အလုပ်ပီးရေ
အလုပ်သမားက အလုပ်ရှာ
အလုပ်ကိုအလုပ်ပိုင်မြင်တတ်မှ
အလုပ်လုပ်ယင်းပျော်ပနာ
ကိုယ်လှုပ်ကိုယ်လုပ် ကိုယ့်အလုပ်
အလုပ်ဟာ အလုပ်ဖြစ်လာရေ။

အလုပ်မဟိကြောင်ရီချုးိဖို့တက်စား
ညောင်ရီအိုးရာသွန်ပစ်ခီ
စစ်တစ်ပွဲလောက် တိုက်ပစ်ခီ
အလုပ်မဟိအကိုင်မဟိ
ငေးငိုင်ထိုင်မနီကေ့။

အလုပ်မဟိအားမနာကေလေ့
အကိုင်ဟိကေ အလုပ်ဖြစ်လာဖို့
လာခအေအေကို။

Dr.ညိုထွန်းအောင်
၂၀၁၇ ခုနှစ်၊ ဧပြီလ ၂၈ ရက်၊ သောကြာနိ။
မိုးထဖက် ၁၀ နာရီ ၃၀ မိနစ်။

 Dr.Nyo Twan Awng