Date : 15-Nov-2021
ရခိုင်ပြည်၊
ပုဏ္ဏားကျွန်းမြို့နယ်၊ တောင်ပေါက်ရွာနှင့် ဒီပါရုံကျေးရွာကြား၊ ကျောက်ကွင်းနေရာအနီး၌
၂၀၂၁ ခုနှစ်၊ နိုဝင်ဘာလ (၁၅) ရက်၊ ည (၇) နာရီ (၃၀) မိနစ်အချိန်တွင် ဗိုလ်ကြီး ရဲလင်းစိုး
(ဆေးမှူး) အပါအဝင် စစ်သား + ရဲသားသုံ့ပန်း စုစုပေါင်း (၁၅) ဦးအားမြန်မာ့တပ်မတော်ဖက်မှ
ဗိုလ်မှူးဇေခိုင်ဟိန်းထံသို့ လွှဲပြောင်းပေးအပ်ခဲ့သည်။
(၁) နှစ်ရှည်လများ
သုံ့ပန်းအဖြစ်ဖမ်းဆီးထိန်းသိမ်းခံနေရသောသူများ၊ ကျန်းမာရေးအခြေအနေဆိုးဝါးသောသုံ့ပန်းများထဲမှ
ဆေးဝါးကုသရန်အရေးတကြီးလိုအပ်နေသောသူများကို လူသားချင်းစာနောက်ထောက်ထားမှုအရသော်လည်းကောင်း၊
(၂) သုံ့ပန်းများကိုထိန်းသိမ်းထားသောနေရာပတ်ဝန်းကျင်၌
ကိုရိုနာကူးစက်ရောဂါ ကူးစက်ဖြစ်ပွားလာပါကာ ရောဂါပြင်းထန်သောသုံ့ပန်းများအား ဆေးဝါးကုသရန်ခက်ခဲနေမည်ကိုစိုးရိမ်သောကြောင့်လည်းကောင်း၊
(၃) မတရားဖမ်းဆီးခံထားရသော
ရခိုင်ဒေသအတွင်းနေပြည်သူလူထုများအားလုံးနှင့် မြန်မာအစိုးရအကျဉ်းထောင်များထဲရှိ မိမိတို့
ULA/AA တပ်ဖွဲ့ဝင်များ ပြန်လည်လွတ်မြောက်ရေးကိုလိုလားသောကြောင့်လည်းကောင်း ယခုကဲ့သို့
လွှတ်ပေးရခြင်းဖြစ်သည်။