ရက္ခိုင်အမျိုးသားအဖွဲ့ချုပ်(ULA)က ထုတ်ပြန်ခရေ STAY AT HOME (၂)ပတ်စွာ နက်ဖခါဆိုကေ ပြည့်ဗျာယ်။ ယေဒါလေ့သင့်, ကိုရိုနာရောဂါကူးစက်ခံပနာ သီဆုံးလားရေအရီအတွက်ကဆက်လို့ဟိနီရေ။ ကူးစက်ခံရသူတိလည်းဆက်လို့ဟိနီသိမ့်ရေဆိုခါ STAY AT HOME ကဆက်လို့ ဟိနီရဖို့သိမ့်။ ထပ်လို့သက်တမ်းထပ်တိုးရဖို့ ဆိုစွာကို "သီဆုံးလားခရေလူတိ"နန့် "Covid 19 ရောဂါပိုး" ကသတိပီးနီရေ။ 

ကူးစက်မှုနှုန်း၊ ကူးစက်ခံရရေလူတိမလျော့သိမ့်။ အေနိအထိဟိနီတုန်း။ယေဇု, STAY AT HOME (ကိုယ့်အိမ်မှာကိုယ်နီထိုင်ခြင်း) ဆက်လို့နီထိုင်ဖို့ နန့် ကိုဗစ်စည်းကမ်းချက်တိုင်းကိုလိုက်နာကတ်ဖို့ကောင်းအရေးကြီးပါရေ။

ရခိုင်ပြည်ကကိုဗစ်တတိယလှိုင်းမှာကိုရိုနာရောဂါပိုးကြောင့် သီဆုံးသူ၊ ကူးစက်နှုန်းတိစွာ အယင်လှိုင်းနှစ်လှိုင်းထက်ပိုများရေ။ အေနိရခိုင်ပြည်ကိုဗစ်မှတ်တမ်းအရ,ကိုဗစ်တတိယလှိုင်းအတွင်း အသက်သီဆုံးသူ နှစ်ရာကျော်(၂၁၄ ယောက်+) ဟိလားခဗျာယ်။ နောက်ထပ်လည်းဆက်လို့ အသက်သီဆုံးလားနိုင်ရေ အောက်ဆီဂျင်ယှုနီရရေလူနာတိအင်တန်ချေဟိနီသိမ့်ရေ။

အသက်မသီဆုံးဖို့က,ကိုဗစ်လူနာကံနန့် သူ့စိတ်ခံနိုင်ရည်အပေါ်၊ Oxygen အလုံအလောက်ရဟိမှု၊ ကုသပီးရေဆရာဝန်၊ မိသားစု၏ဆုတောင်းပီးမှု အပေါ်မှာရာမူတည်လီဖို့ဗျာယ်။ ကျနော်ရို့တိအကောင်းဆုံးလုပ်ပီးနိုင်စွာထဲက တစ်ခုမှာလည်း ဆုတောင်းပီးကူခြင်းရာဖြစ်ပါရေ။

Oxygen အောက်ဆီဂျင်ယှုနီကတ်တေကိုဗစ်လူနာတိထဲက နောက်ထပ်စိကေတော့ ကပ်ပါလားနိုင်သိမ့်ရေ။ ဇာသူမဆို အချိန်မရွီး သီမင်းကဆွဲခေါ်လားနိုင်ရေဆိုစွာ ကိုဗစ်တတိယလှိုင်းအစကနီအေနိအထိသက်သီပြပြီးသား။

ရခိုင်ပြည်အတိုင်းအတာနန့်ကိုဗစ်တတိယလှိုင်းစွာမပြီးပါသိမ့်။ သုံးပုံနှစ်ပုံလောက်ရာဖြတ်သန်းရသိမ့်ရေ။ နောက်ထပ်ကျန်ဟိရေ သုံးပုံတစ်ပုံကာလကိုဖြတ်သန်းရဖို့ STAY AT HOME အနည်းဆုံး နှစ်ပတ်လောက်ထပ်လိုဖို့လို့ ဆီးပညာသျှင်တိ၏အကြံပြုချက်၊တွက်ချက်မှုတိအရသိရရေ။ ပြီးကေ စတုတ္ထလှိုင်းကို ထပ်လို့ရင်ဆိုင်ရဖို့သိမ့်။ 

ULA အနီနန့် နက်ဖခါ STAY AT HOME ကိုထပ်လို့သက်တမ်းတိုးဖို့ကိစ္စထုတ်ပြန်လားပါဖို့။ ယင်းထုတ်ပြန်ချက်ထဲမှာ အေ (၂) ပတ်တာကာလ အတွင်း ဖြစ်ပျက်ပြီးခစွာတိကထဲ ကိုဗစ်စည်းကမ်းမလိုက်နာကတ်တေ တိုင်သားတိအတွက် ထပ်လို့သတိပီးချက်အပြင် ဈီးရောင်း၊ဈီးဝယ်၊ ခရီးလား၊လာသူတိအတွက် သင့်တော်ရေစည်းကမ်းတိ၊ တခြား ပြည်နယ်၊တိုင်း၊ နယ်စပ်တိမှာ ကိုဗစ်ကြောင့် အလုပ်လက်မဲ့ဖြစ်ကာ အခက်အခဲတွိလို့ မွီးရပ်မြီကိုပြန်လာချင်ကတ်တေ အမျိုးရို့အတွက် လိုက်နာရဖို့စည်းကမ်းတိကို သီခြာရီးလို့ ဒုတိယံပိ STAY AT HOME ထပ်လို့ထုတ်လားပါဖို့။

နောက်ထပ် ထပ်တိုး STAY AT HOME အတွက် အကြံပြုချက်၊ အပြုသဘောဆောင်သော ဝီဖန်ချက်ကို Comment မှာရီးလို့ဖြစ်ဖြစ်၊ arakanidp@163.com သို့ဖြစ်ဖြစ် ပို့ပီးလို့ရပါရေ။

“STAY AT HOME NOTE” 📝 

ကိုဗစ်ကူးစက်မှုပျံ့ပွားပနာ ပျံနှံ့နီဆဲကာလမှာ

ကမ္ဘာမှာ လူ(၂) မျိုးရာဟိရေ။

#တမျိုးက ကူးစက်ခံထားရရေလူ

နောက်တမျိုးက ကူးစက်တော့မခံထားရသိမ့်ရေလူ (ဇာအချိန်ကူးစက်ခံရဖို့မှန်းမသိ စောင့်နီရရေလူ)

စည်းကမ်းကိုလိုက်နာလူဟိရေ

မလိုက်နာလူဟိရေ

အေတခေါက်ထုတ်ဖို့ စည်းကမ်းကို မလိုက်နာလူတိအတွက် ဘောင်ချာစာအုပ်အသစ်လုပ်ထားရေ။

ဒါတောင်မှတ်ထားပြီးကေ 

ကိုဗစ်ကျီခါ

အပြစ်ကြွီးပြန်ဆပ်ခိုင်းဖို့ အကြံပီးနီကတ်တေ။

စကေမလိုက်နာကေ စကေ

အများကြီးမလိုက်နာကေ အများကြီး

ရိုက်ဒေါင့်နန့် ပြန်ဒေါင့်တူမှ လူတိကမှတ်မိကတ်တေ

ကျနော်ရို့တိ၏စိတ်ထဲမှာတော့

လူသားကိုလူသားလို့ရာမြင်ရေ။

လူ့အခွင့်အရီး၊ လူသားဖြစ်တည်မှုကို

ခင်ဗျားရို့နားလည်ပိုင်အေကလူတိလေ့နားလည်ရေ။

မိတ်ဆွီ၊ညီအစ်ကို၊သူငယ်ချင်းဆိုစွာက

" အကူအညီလိုအပ်နီတေအချိန်မှာ လိုအပ်တေအကူအညီကို အလျင်မှီပီးနိုင်ခြင်း၊ မဟိလူကိုဟိလူကဟိစွာကိုမျှဝီခြင်း"လို့ အဓိပ္ပာယ်ဖွင့်ကတ်တေ။ အေအတိုင်းဖြစ်အောင်ကျင့်ကြံပနာ မိတ်ဆွီကောင်းလို့ သူများဘားမှာအခေါ်ခံရအောင် ကျင့်ကြံနီထိုင်ရေ။

လူသားဖြစ်ကေ လူသားအလုပ်ကိုလုပ်ရဖို့။

ရခိုင်သားဖြစ်ပနာ အဖရခိုင်မြီသားလိုခံယူရေ

ရခိုင်မြီမှာနင်းထားကေတော့ ရခိုင်သားအလုပ်ကိုလုပ်ရဖို့။ 

ကိုဗစ်မှာ ရန်သူနန့်ပရံလူဆိုပနာ 

မစစ်၊မထိုးဆိုပနာချန်ထားခလို့မရ။

ခ်န္ခလို့က်န္ခေက

နောက်လာဖို့ စတုတ္ထလှိုင်းမှာ

ယင်းချန်ခရေလူ၊ ချန်ခရေနီရာတိစွာ

ကိုဗစ်စတုတ္ထလှိုင်းကို ရင်ဆိုင်ဖို့

ခွန်အား တဗွာလျော့နီရေပိုင် ဖြစ်နီဖို့။

Dr.ညိုထွန်းအောင်

၂၀၂၁ ခုနှစ်၊ သြဂတ်(စ်) (၃) ရက်၊ အင်္ဂါနိ။

ဓာတ်ပုံ။     ။ရခိုင်ပြည်၊ ရသေ့တောင်မြို့နယ်အတွင်းဟိ မူဆလိန်ရွာတစ်ရွာမှ ရွာသူ၊ရွာသားများအား Covid-19 တတိယလှိုင်းမစမှီကာလ၌ ရက္ခိုင့်တပ်တော်၊ ဆီးဖက်ဆိုင်ရာဝန်ထမ်းများကကျန်းမာရီးစောင့်ယှောက်ခြင်းလုပ်ငန်းများကို ပြုလုပ်ခသော မှတ်တမ်းဓာတ်ပုံဖြစ်ရေ