(Vcs Vcs Facebook နန့် VCS Page တို့တွင် post တင်ခွင့်၊ comment ပီးခွင့် ပိတ်ထားလို့ Dr Nyo Twan Awng Website & VK ကတင်ပါရေ)

အေနိစွာ STAY AT HOME ကိုယ့်အိမ်မှာကိုယ်နီထိုင်ခြင်း တစ်ပတ် ပြည့်ရေနိဖြစ်တေ။ ရောဂါပိုးကူးစက်သူ တိ၊ ကူးစက်ခံရပြီးနောက်သီဆုံးသူတိဆက်ဟိနီကေလေ့ အပြင်ထွက်လားလာမှုတိကို အေအတိုင်းဆက်လို့ထိန်းသိမ်းနိုင်ခကေတော့ နောက်ထပ်ကူးစက်ခံရရေလူလျော့နည်းလားနိုင်ရေလို့ အကောင်းဖက်ကရှုမြင်မိရေ။ ယင်းပိုင်ဖြစ်လာဖို့ကို မျှော်လင့်နီကတ်ပါရေ။

ရောဂါပိုးကွင်းဆက်ပြတ်အောင်လုပ်စွာနန့်ရောဂါကိုကြိုတင်ကာကွယ်တားဆီးအောင်လုပ်စွာမှာအေနည်းလမ်းစွာ အထိရောက်ဆုံးနည်းလမ်းဖြစ်တေ။ ကြိုတင်ကာကွယ်ခြင်းဖြင့် ကိုရိုနာရောဂါပိုးကူးစက်ခံရခြင်းမဟိအောင်နီထိုင်လို့ရပါရေ။ 

ရောဂါအကူးစက်မခံရရေလူတိုင်းစွာ စည်းကမ်းကိုလိုက်နာရေလူတိလို့ပြောလို့ရရေပိုက် ကံကောင်းရေလူတိလို့လည်းပြောလို့ရပါဖို့။

တစ်ယောက်လည်း မဖောက်ဖို့၊ အစုအဖွဲ့တစုကမဖောက်ဖို့ အေအချိန်မှာ ကောင်းအရေးကြီးပါရေ။

တစ်ပတ်တာ(၇-ရက်)အတွင်းမှာ--- များကာသားစွာ,

(၁) ကိုယ့်အိမ်မှာကိုယ်နီထိုင်ပီးကတ်တေ၊

(၂) ကိုဗစ်စည်းကမ်းတိကိုလိုက်နာကတ်တေ၊

(၃) ရောဂါကူးစက်ခံရလူနည်းလာခါ ဆီးရုံကိုရောက်လာရေလူနာနည်းလာရေ၊

(၄) လူနာနည်းလာလို့ အောက်ဆီဂျင် O2 လိုအပ်မှုတိ  လည်း အယင်ကထက်နည်းလာရေ၊

(၅) ယေကေလေ့,အောက်ဆီဂျင်က လိုအပ်ချက်တိဟိနီပါသိမ့်ရေ၊ အောက်ဆီဂျင်လိုအပ်ရေလူနာတိ ဟိနီသိမ့်ရေပိုင် အောက်ဆီဂျင်မလုံလောက်မှု အသံတိထပ်ကြားနီရပါသိမ့်ရေ။

(၆) စေတနာရှင် အလှူရှင်တိ အနီနန့်O2 ကိစ္စကို အလီးထားရပါဖို့သိမ့်၊ အားစိုက်ရပါဖို့သိမ့်၊ 

(၇) ကူးစက်လူတိနည်းလာလီ ရောဂါကိုထိန်းချုပ်နိုင်လီဖြစ်ဖို့၊ အသီအပျောက်နှုန်းနည်းလီပါဖို့၊

(၈) ဆီးလောကသားတိ စိကေအနားရဖို့၊