"မြင်ကွင်း"

poem

Date : 15-Apr-2020

Nyo Twan Awng

အယင်တုန်းက
လူစည်ကားရေနီရာတိမှာ
အဂုအချိန်ခါ
လူမဟိသူမဟိဆိုကေ
ယင်းမြို့၊ ယင်းရွာတိစွာ
Stay Home
ကိုယ့်အိမ်ထဲမှာကိုယ်နီခြင်းဖြစ်တေ။

အယင်တုန်းက
လူစည်ကားရေနီရာတိမှာ
အဂုအချိန်ခါ
လူမဟိသူမဟိဆိုကေ
ယင်းမြို့၊ ယင်းရွာတိထဲက
ရခိုင်မြို့၊ရခိုင်ရွာတိဖြစ်ခကေ
ယင်းချင့်စွာ
အောက်သားတိ
လက်နက်ကြီးရန်ကိုကြောက်လို့
လီယာဉ်နန့်လာပစ်ဖို့စွာကိုကြောက်လို့
ဇာအချိန်ဝင်လာပနာ
စက်သီနတ်တိနန့်မွှေ့ပတ်ရမ်းလားဖို့မသိ
ဇာအချိန်ဝင်လာပနာ
ဖမ်းလားဖို့ ပစ်လားဖို့ စိုးရိမ်စိတ်တိနန့်
လူမဟိ သူမဟိ တိရစ္ဆာန်တိမဟိ
Home မှာ Stay ဖို့လူမဟိ။

အားလုံး
စစ်ဘီးရှောင်ဆိုရေနီရာတိမှာ
အဆိုးထုတ်ထဲက အင်္ကျီတိပိုင်
ဖြဲပနာ Stay စတေးလို့။

ဖြစ်ရပ်ကတူရေ
မြင်ကွင်းကတူကေလေ့
မတူအနှစ်သာရတိနန့်
ရီတစ်ဖလားလောင်းလိုက်ပါယင့်။

"ကိုယ့်အိမ်မှာ Covid-19 ဗဟုသုတဗောင်းဗောင်းပြည့်နန့်၊ တစ်ယောက်ကိုတစ်ယောက်၊ တစ်ယောက်ဘားကတစ်ယောက်၊ မကူးအောင်နီဖို့ ဆိုရေအသိနန့်နီကတ်ပါမယ်"

Credit: Video

ရခိုင်လူမျိုး Dr.ညိုထွန်းအောင်
၂၀၂၀ ပြည့်နှစ်၊ ဧပြီလ(၁၅) ရက်။


Share on social

You may also like this