ရခိုင်-ဗမာ ခြောက်လစစ်ပွဲ (ပထမအကျော့)

article

Date : 01-Oct-2019

Nyo Twan Awng

အောက်သားတိက ရခိုင်ကိုတစ်ဖက်သတ်စစ်ကြေညာစွာရေ အေနိဆိုကေ ခြောက်လပြည့်ရာ။ ခြောက်လအတွင်းမှာ ရခိုင်လူမျိုးတိရသမျိုးစုံကို ခံစားဖူးကတ်ပြီးဗျာယ်။ ခံရရေလူတိအဖို့ အခံရသကို မိန့်လီဖို့မဟုတ်ရေပိုင်တဝခံစားဖူးပြီးဗျာယ်။ ငါပြီးကေ မင်းအလှည့်ဆိုစွာကိုတော့မမိန့်လီကေ့။ ၂၀၁၈ ဒီဇင်ဘာလ ၂၁ ရက်နိကနီ ၂၀၁၉ ဇွန်လ ၂၁ ရက်နိဆိုကေ ခြောက်လကြာရေ။ယင်းသူရို့ စစ်ကြေငြာရေခြောက်လ နန့် ဆယ်ရက်မှာ အေနိစွာခြောက်လ ( ရက်ပေါင်း ၁၈၀- ပျမ်းမျှတွက်)ပြည့်ရေနိဖြစ်တေ။ နောက်ထပ် ၁၀ ရက်ရာကျန်ဗျာယ်။(2018 Dec21- 2019 June 21)။ ဇွန် (၃၀) ရက်ဆိုကေ ပထမအကျော့ ပြီးဆုံးကြောင်း ဝဇီမှုတ်ရေနိ။ ကဇပ်ဖို့လား၊ နားဖို့လား??? မင်းရို့အပေါ်မှာရာမူတည်ရေ။ ကဇပ်ချင်ကေ ကဇပ်လို့ရရေ။နားချင်ကေ နားလို့ရရေ။ မင်းရို့မကဇပ်ချင်ကေလေ့ ငါရို့ကဇပ်ချင်ကေ မကဇပ်ရာလို့ တော့ ထွက်မပြီးလီကေ့။ ရခိုင်-ဗမာ ခြောက်လ စစ်ပွဲအတွင်းမှာ အနိုင်-အယှုံံးတွက်ကေ အေစစ်ပွဲမှာရခိုင်တိနိုင်ရေ။ အေခြောက်လအတွင်းမှာ ရခိုင်တိနိုင်ရေနီရာတိဟိရေပိုင် အချို့နီရာတိမှာ အားနည်းချက်၊ လိုအပ်ချက်တိဟိနီဆဲ။ ယင်းအားနည်းချက်တိကိုပြင်ပနာ ဒုတိယအကျော့အတွက် ပြင်ဆင်ကတ်မယ်။ မပါချင်လူနီခလို့ရရေ။ နောက်ထပ်(၁၀) ရက်က တနားရာ။ AA အေအေအနီနန့်ပြောရကေ အေတိုက်ပွဲကို ယင်းသူရို့ဆက်တိုက်ချင်ရေဆိုကေလေ့ အဆင်သင့်ရာ။ နောက်ထ ခြောက်လ မက၊ ခြောက်နှစ်ပတ်စီ Ready ရာ။ ပါလတ်။ ဇွန်လအပြီးမှာ တစ်ဖက်သတ်စစ်ကိုမင်းရို့ဖက်ကမကြေငြာခကေလေ့, ရခိုင်-ဗမာ စစ်ပွဲ ဒုတိယအကျော့အတွက်,အေက ကြေငြာဖို့ အဆင်သင့်ရာ။ လှိုင်းမကြောက်လို့ လောင်းပေါက်နန့် ခရီးထွက်လာခစွာ အေနိအထိရောက်လာခဗျာယ်။ Through the Storm ကိုကျော်ဖြတ်ဖို့အားလုံးအသင့်ရာ။ရဲဘော်ရို့ ဆက်လို့ တိုက်ကတ်ဖို့နှန်းရာ၊ နောက်ထပ် ခြောက်လဆိုကေ ယင်းသူရို့ ခွီးပြီးဝက်ပြီး ပြီးရဖို့အချိန်ရာ။ ဗိုလ်ချုပ်၏ အမိန့်တခုကိုစောင့်နီကတ်ရေ စစ်သည်တော်တိရာ။ ကြိုပြောထားလိုက်မယ်။ ထပ်တိုက်ချင်ကေ ထပ်တိုက်လို့ရရေ။ ခြောက်လအတွင်း အနည်းဆုံးခြောက်မြို့နယ်။ နောက်ထပ် ခြောက်လအတွင်း ရခိုင်တပြည်လုံး( နဂရစ်အငူ/မော်တင်စွန်းအထိ) အောင်စိန်ဖြစ်နီစီရဖို့။ မှတ်ထား။ AA က ရည်မှန်းချက်လည်းကြီးရေ။အမှတ်လည်းကြီးရေ။ ပြောကေပြောရေအတိုင်းလုပ်ရေ။ လုပ်ရေအလုပ်တိုင်းအထမြောက်ရဖို့။ "အမျိုးသားရီးအပေါ်သစ္စာဖောက်ရေအလုပ်ကို ကာယကံ၊ဝဇီကံ၊ မနောကံ" နန့် ကျူးလွန်နီရေလူတိ၊ ကျူးလွန်ဖို့ပြင်နီရေလူတိကို,လိမ္မာကတ်လို့ရာ" တခွန်းတည်းမှာလိုက်မယ်။ အေတခါ အောက်သားတိကို တိုက်ဖို့အလှည့်ပီးလီဖို့မဟုတ်။ အေကနှက်ဖို့စွာရာ။ ရခိုင်မျိုးနွယ်စုတိ အချို့လည်းလိမ္မာဖို့လိုရေလို့ တိုးတိုးချေသူများမသိအောင်အသိပီးလိုက်ပါယင့်။ပရံလူတိသွီးထိုးစကားနန့် ပါစားပီးစွာတိအောက်မှာ အချင်းချင်းသွီးထွက်၊အသက်ထွက်မဖြစ်ဖို့နန့် လဘားမဝဖို့လိုရေ။ အေလောက်ဆိုကေ နားလည်ဖို့လို့ယူဆပါရေ။ နီးရာဓားကိုကြောက်ရရေဆင်ခြီ ဆိုကေ အေကကိုင်ထားစွာ 5.56 မဟုတ်၊ 7.62 ။ ယင်းသူရို့ထက် Size လည်းကြီးရေ။ ဉာဏ်လည်းကောင်းရေ။ သတ္တိလည်းပိုကောင်းရေ။ ယေဇု,အသစ်လာဖို့ညီချေ/ညီမချေတိအတွက် ကြိုမှာထားလိုက်မယ်။ ရန်သူထက်သတ္တိမကောင်းကေ အီးလို့ရာနီလိုက်။ ၂၀၁၉ ကုန်ဖို့ ခြောက်လအတွင်းမှာ ငါ၏ ခန္ဓာနန့် အသက်ကို ငါ့တိုင်းပြည်၊ ငါလူမျိုးအတွက် အသက်သီသီ၊ ဇာလောက်ဝဝ အလုပ်လုပ်လားပါဖို့။ ယင်းပိုင်စိတ်ဓာတ်ဟိရေလူတိနန့်ရာ ရခိုင်လူမျိုးလွတ်မြောက်ရီးတိုက်ပွဲကို ဆက်တိုက်လားပါဖို့။ ခြောက်လရာ။ ငါ့ယုံကြည်ချက်က အေလွတ်မြောက်ရီးတိုက်ပွဲကနောက်ထခြောက်လရာ။ အေခြောက်လအတွင်း အသက်၊ ဘဝ၊ ခန္ဓာ၊ ခန္ဓာအစိတ်အပိုင်းတိ စွန့်လွှတ်အနစ်နာခံပီးဆပ်လားကတ်တေ အာရက္ခစစ်သည်တော်တိကို ဂါရဝပီး တန်ဖိုးထားရေပိုင် အောက်သားတိ၏ မတရားမှုတိအောက်မှာ တစ်ခုခုပီးဆပ်လိုက်ရရေအမျိုးတိအားလုံးကိုလည်း ဂုဏ်ပြုမှတ်တမ်းတင်ပနာ တချိန်ချိန် မှာ အတိုးချဂုဏ်ပြုလားပါဖို့။ အေအတိုင်း ဆက်လားကတ်ပါဖို့။ ယင်းလောက်ဆိုကေ နားလည်ဖို့ယုံကြည်ပါရေ။

ရခိုင်လူမျိုး Dr.ညိုထွန်းအောင် ၂၀၁၉ ခုနှစ်၊ ဇွန်လ(၂၁) ရက်၊ သောကြာနိ။


Share on social

You may also like this