၂၀၁၉ ခုနှစ်၊ ဇန်နဝါရီလ(၂၈) ရက်၊ ရခိုင်ပြည်တိုက်ပွဲသတင်း

blog

Date : 28-Jan-2019

၂၀၁၉ ခုနှစ်၊ ဇန်နဝါရီလ(၂၈) ရက်နေ့တွင် ရခိုင်ပြည်၊ ရသေ့တောင်မြို့နယ်၊"အုန်းချောင်းကျေးရွာ" အနီးတွင် တိုက်ပွဲဖြစ်ပွားခဲ့သည်။ နံနက်(၈) နာရီ(၀၉) မိနစ်တွင်စတင်ဖြစ်ပွားခဲ့သည်။ နေ့လည် (၁၁) နာရီခန့်အထိ အပြန်အလှန်ကြိုးကြားကြိုးကြားပစ်ခတ်တိုက်ခိုက်မှုများရှိခဲ့သည်။ ဗမာစစ်တပ်သည် ယနေ့တိုက်ပွဲတွင်လည်း ယခင်နေ့ရက်များနည်းတူ ထိခိုက်ဒဏ်ရာရသူများ၊သေဆုံးသူများရှိနေခဲ့သောကြောင့် ယမန်နေ့က"သမီးလှရွာသစ်" ရွာအားလက်နက်ကြီး၊လက်နက်ငယ်များဖြင့် ပစ်ခတ်သည့်နည်းတူ "အုန်းချောင်းရွာ" အတွင်းသို့လည်း လက်နက်ကြီး၊လက်နက်ငယ်များဖြင့် တမင်တကာရည်ရွယ်ချက်ရှိရှိဖြင့်ပစ်ခတ်တိုက်ခိုက်ခဲ့သည်။ ထို့ကြောင့် ၎င်းအုန်းချောင်းရွာအတွင်းရှိလူနေအိမ်အချို့ မှာဗမာစစ်တပ်၏လက်နက်ကြီးကျည်များထိမှန်ခဲ့သောကြောင့် ပျက်စီးမှုများရှိခဲ့သည်။ ထို့အတူ အခြားတစ်ဖက်တွင် ရွာသူရွာသားများထဲမှ အမျိုးသားများ(ယောင်္ကျားများ)ကို ပုဒ်မအမျိုးမျိုးတပ်ကာဖမ်းဆီးထားခြင်းများဆက်လက်ရှိနေခဲ့သည်။ အုန်းချောင်းရွာအတွင်းမှ ဗမာစစ်တပ်မှဖမ်းဆီးထားသူများမှာ (လက်ရှိအချိန်အထိသိရှိထားသောသူများမှာ)-- (၁) ဦးမြတ်သိန်းထွန်း(သို့) မြသိန်းထွန်း၊ အသက်(၅၆) နှစ်၊ အဖအမည်- ဦးမြတ်ချမ်းအောင် (၂) မောင်ရွှေအေး၊ အသက်(၃၉) နှစ်၊ အဖအမည်- ဦးထွန်းစိန်အောင် ၊ (ကိုမောင်ရွှေအေးမှာ ကျောင်းဆရာဖြစ်သည်) (၃) ဦးမောင်ဦးကျော်၊ အသက်(၆၀-ကျော်) ၊ အဖအမည်-(-စုံစမ်းဆဲ--) ၊ ဦးမောင်ဦးကျော်သည်မုဆိုးချောင်းဇာတိဖြစ်သည်။ ယနေ့တွင်လည်း နယ်ချဲ့ဗမာစစ်တပ်သည် တိုက်ပွဲစဖြစ်သည့်အချိန်မှစတင်ပြီးနံနက် လက်နက်ကြီးများဖြင့် ဘူးသီးတောင်မြို့နယ်၊ (ကျိုင်းတောင်ရွာ) မှလည်းကောင်း၊ ဘူးသီးတောင်မြို့နယ်၊ ဒုံးသီရွာ(ဒုံးသိန်),မှလည်းကောင်း၊အုန်းချောင်းရွာအနီးတိုက်ပွဲဖြစ်ပွားသည့်နေရာမှလည်းကောင်း ပစ်ခတ်တိုက်ခိုက်နေခဲ့သည်။ယနေ့တစ် ရက်တည်း၌ပင် နေရာသုံးခုမှ ရှေ့ဆင့်နောက်ဆင့်လက်နက်ကြီးများဖြင့်ပစ်ခတ်တိုက်ခိုက်သည့်အကြိမ်အရေအတွက် (၇၀) ခုနှစ်ဆယ်အထက်ရှိခဲ့သည်။ ဗမာစစ်ရာဇဝတ်တပ်ဖွဲ့မှပစ်ခတ်တိုက်ခိုက်သည့်လက်နက်ကြီးကျည်များမှာ အုန်းချောင်းရွာ၊ အုန်းချောင်းရွာအနီးတောင်များပေါ်သို့ကျရောက်ပေါက်ကွဲခဲ့သည်။ ယမန်နေ့ သမီးလှရွာသစ်"တိုက်ပွဲအတွင်း ဗမာစစ်တပ်ဖက်မှ ကျေးရွာအတွင်းသို့ပစ်ခတ်တိုက်ခိုက်ခဲ့သောလက်နက်ကြီးကျည်အစအချို့သည်, အဖ-ကိုကျော်ကျော်နိုင်၏သား မောင်နိုင်စိုး၊ အသက်(၇) နှစ် အရွယ်ကလေးငယ်၏ ဦးခေါင်း၊ညာဖက်နားထင်အားထိမှန်ခဲ့၍ ပြင်းထန်သောဒဏ်ရာရရှိခဲ့ပြီး ဆေးကုသရန်အတွက် ပြောင်းရွှေ့နေစဉ်ကာလအတွင်း,ယနေ့ ညနေ(၇) နာရီ(၄၅) မိနစ်တွင် ဘဝတစ်ပါးသို့ကူးပြောင်းသွားကြောင်းသိရှိရ၍ မိမိတို့ ULA/AA အနေဖြင့် မိသားစု၊ ရခိုင်ပြည်သူလူထုတစ်ရပ်လုံးနှင့် ထပ်တူထပ်မျှဝမ်းနည်းကြောင်း အသိပေးအပ်ပါသည်။ မိမိတို့အနေဖြင့် ဖြစ်ပြီးခဲ့သောတိုက်ပွဲများ၊ နောက်ထပ်ဖြစ်လာမည့် သီရေးရှင်ရေးအဆုံးအဖြတ်တိုက်ပွဲများ၏ မည်သည့်တိုက်ပွဲတွင်မဆို ရခိုင်လူမျိုးနှင့် ရခိုင်လူထုထိခိုက်နစ်နာ၊ ပျက်စီးစေမည့်တိုက်ပွဲများကို အတတ်နိုင်ဆုံးရှောင်ရှားပြီး မလွဲမရှောင်သာသောခုခံကာကွယ်ရသည့်တိုက်ပွဲများ၌,ရခိုင်လူထုတစ်ရပ်လုံးနှင့်အတူ ရက္ခိတလမ်းစဉ်အောင်မြင်သည်အထိဆက်လက်တိုက်ပွဲဝင်သွားမည်ဖြစ်ပါသည်။ ဗမာစစ်တပ်၏ မိမိတို့ ရက္ခိုင့်တပ်မတော်အား အမြစ်ပြုတ်ချေမှုန်းရေးနှင့် ထိုးစစ်ဆင်တိုက်ခိုက်မှုများသည် နောက်လာမည့်လများအတွင်းပိုမိုပြင်းထန်လာဖွယ်ရှိနေသောကြောင့် ရခိုင်ပြည်အတွင်းနေထိုင်ကြသောရခိုင်လူမျိုးများ၊ ရခိုင်မျိုးနွယ်စုများအားလုံး စုစုစည်းစည်း၊ ညီညီညွတ်ညွတ်ဖြင့် သတိကြီးစွာဖြင့်နေထိုင်သွားလာကြရန်ကိုလည်း အသိပေးလိုပါသည်။ ဆက်လက်၍လည်း လက်ဆင့်ကမ်းကာ သတိစကားများကိုမျှဝေပေးကြပါရန်ကိုလည်း တိုက်တွန်းအပ်ပါသည်။ နောက်ဆက်တွဲ တိုက်ပွဲသတင်းများကို အချိန်နှင့်တပြေးညီ ဆက်လက်တင်ပေးသွားပါမည်။ 
သတင်းနှင့်ပြန်ကြားရေး 
ရက္ခိုင့်တပ်မတော် ၂၀၁၉ ခုနှစ်၊ ဇန်နဝါရီလ(၂၈) ရက်၊တနင်္လာနေ့။ 


Share on social

You may also like this

blog 11-Sep-2022

စကစတပ်မှ လေကြောင်းဗုံးကြဲတိုက်ခိုက်ခြင်းကြောင့် မြ . . .

blog 11-Sep-2022

၁ဝ/၉/၂ဝ၂၂ နေ့တွင် ခမရ (၃၅၂) တပ်ရင်း စခန်းကုန်းမှ သ . . .

blog 02-Sep-2022

စစ်ကောင်စီတပ်မှ လေကြောင်းဗုံးကြဲတိုက်ခိုက်ခြင်းကြေ . . .