ရန်သူကတော့ သူရို့မှာဟိသမျှအားကိုထုတ်ဖို့ပြင်နီဗျာယ်။ ကိုယ်ရို့တိမှာကား??? ယေဇု , ရခိုင်ပြည်မှာတဖြည်းဖြည်းနန့်တော့,တပ်မတိစုံခါနီးဗျာယ်။ မတ်လကုန်ခါနီးမှာ တပ်မ (၇၇) နန့် (၉၉) ရောက်လာဗျာယ်။ အရင်ရောက်ပြီးသား တပ်မ(၂၂) နန့် (၅၅)။ အပူးတိ။ နောက်ထပ် ဇာအပူးကံစမ်းမဲပေါက်ပနာ ရခိုင်သို့ဒုန်းပေါက်ဆောက်လာဖို့မသိ။ တိုက်ခရေစစ်ပွဲတိကတော့---- #၂;၀၁၈ အောက်တိုဘာ၊ နိုဝင်ဘာ၊ဒီဇင်ဘာ (တိုက်ပွဲအဟိန်ကတစ်ရက်ပြီးတစ်ရက်မြင့်လာရေ) ရှေ့လတိမှာတော့ ဖြောက်တောက်ဖြောက်တောက်။ #၂;၀၁၉ ဇန်နဝါရီ၊ ဖေဖော်ဝါရီ၊ မတ်( တိုက်ပွဲတိရက်ဆက်၊ နီရာဆက်၊ နိညဆက်) မတ်လမှာ တိုက်ပွဲမဟိရေနိက မဟိသလောက်။ #ဆ;ိုခါ ငါးလ၊ခြောက်လဟိဖို့ဗျာယ်။ ရန်သူက မတိုက်ခင်ကပင်ညစ်ထားရေ။ အခြားအဖွဲ့တိဝင်မပါကေ့ဆိုရေပုံစံနန့် ၁၃၀ ရက်အတွင်း အမြစ်ပြတ်ချေမှုန်းဖို့စီစဉ်ရေ။ စီစဉ်ထားရေအတိုင်းဇောက်ချလုပ်ကိုင်လာရေ။ အဂယောင့်, အမြစ်ဖြတ်ဖို့ကြိုးစားရေ။ တဖြည်းဖြည်းနန့်,တစ်ဖက်သတ်-ရက်တစ်ရာပြည့်ခါနီးဗျာယ်။ ရန်သူ့(အထိအခိုက်အကျအဆုံးနှစ်ခုပေါင်း) လေးရာ(၄၀၀)နားကပ်လာဗျာယ်။ ကိုယ်ရို့မှာလဲ ပီးဆပ်စွန့်လွှတ်မှုတိ စကေတဗွေဟိရေပ။ ၂၀၂၀ ရောက်ဖို့ကလည်း နောက်ထပ်ကိုးလကျန်သိမ့်ရေ။ ငြိမ်းချမ်းမှုက လမ်းစပျောက်နီဗျာယ်။ဝင်းကိုခိုင်တေးခြင်းဆိုကောင်းတုန်း။ လာဖို့,ဧပြီ(၃၀) မှာသတ်မှတ်ထားရေ ရက်(၁၃၀)ပြည့်လားခကေတောင် နောက်ထပ်ရက်ပေါင်း(၁၃၀) ( မေလ(၁) ရက်ကနီ စက်တင်ဘာလ(၇) ရက်အထိ) အထိထပ်တိုက်ရဖို့ပုံပေါက်နီရေ) အခြီအနီက,နောက်ထပ် တစ်ဖက်သတ်-စာတစ်စောင်ကိုယ့်ဖက်ကကြိုလို့ရီးထားလီလို့ပြောနီရေပယှောင်။ ရန်သူ့ထိုးစစ်နန့်အမြစ်ဖြတ်ချေမှုန်းခြင်းကို မှတ်ကျောက်တင်ခံယင်း အာရက္ခတိုင်းပြည်ကို မုန်တိုင်းကိုဖြတ်လို့ တရွိရွိလားနီရေ။ 

ရခိုင်လူမျိုးDr.ညိုထွန်းအောင် ၂၀၁၉ ခုနှစ်၊ မတ်လ(၂၇) ရက်၊ ဗုဒ္ဓဟူးနိ။