အေဂုတလိုင်း,ဖေ့ဘုတ်( Facebook) ကိုသုံးရစွာ အယင်လောက်လွတ်လပ်မှုမဟိပိုင်ခံစားရရေ။ Post တစ်ခုတင်ဖို့မရ၊ Comment တစ်ခုပီးဖို့မရ၊ Standard Community တိနန့်မကိုက်။ မယ်သယ်နှရက်ပိတ်ပလိုက်မယ်၊ ပြောစွာကိုနားမထောင်ကေ တစ်လတိတိ ဖေ့ဘုတ်လီဖြတ်သားပိုင်လုပ်ပလိုက်မယ်လို့ ခြိမ်းခြောက်အသိပီးရေစာတိဂျဲးပို့နီရေ အတွက် VK တနားသုံးဖို့ရာ။ Facebook ကိုအာရုံလာခါမှရာသုံးဖို့ပါရာ။ လောလောဆယ် Updated News ၊ အသိပီးစရာတိကိုအေ VK ကနီရာတင်ဖို့ပါရာ။ Happy New Year လို့တောင် ပြောဖို့အချိန်အများကီးမပီး၊အလုပ်တိပိနီလို့ ဖေ့ဘုတ်က Message တိကိုတစ်ယောက်ချင်းစာမပြန်အားနိုင်ဆိုစွာကိုနားလည်ပီးကတ်ပါလို့။အေနိမှရာ အမျိုးရို့ အားလုံးကို Happy New Year ပါလို့။ နှစ်သစ်အစ၏စိန်ခေါ်မှုကိုလက်တွဲပနာရင်ဆိုင်ကကျော်ဖြတ်လားကတ်ပါဖို့။ ၂၀၁၉ နှစ်စွာ ULA/AA အတွက် အစမ်းသပ်ခံနှစ်တစ်နှစ်ဖြစ်ရေပိုင် through the storm "မုန်တိုင်းထဲကိုဖြတ်သန်းခြင်း/မုန်တိုင်းကိုကျော်ဖြတ်၍"လို့ ကြွီးကြော်ထားစွာ အဂယောင့် နှစ်ဦးအစပထမအပတ်ထဲမှာ မုန်တိုင်းစိကေချေတစ်လုံး နှစ်ဦးလက်ဆောင်အဖြစ်ကပ်ပါလာသိမ့်ရေ။ မုန်တိုင်းနာမည်က Depression ဆိုလား။ VK သုံးရရေ,ရည်ရွယ်ချက်အထဲမှာ (က)နယ်ချဲ့တိကိုမောင်းထုတ်ချင်ရေလူ (ခ) ရံပုံငွေထည့်ချင်ရေလူ (ဂ) ဇာနီရာက ကူညီပီးလို့ရနိုင်ရေဆိုစွာကို ပြောပနာ တိုင်းပြည် နန့်လူမျိုးအတွက် တာဝန်ထမ်းဆောင်ချင်နီရေလူ တိအတွက် အေ VK ကိုတနားသုံးရခြင်းဖြစ်တေ။

ရခိုင်လူမျိုး Dr.ညိုထွန်းအောင် 2019-January-8-Tuesday