၂၀၂၀ ပြည့်နှစ်၊ သြဂုတ်လ(၄)ရက်၊ ရခိုင်ပြည်တိုက်ပွဲသတင်းမျာ

သြဂုတ်လ (၆) ရက်နေ့၌ ရေးတင်သည်။

၂၀၂၀ ပြည့်နှစ်၊ ဇွန်၊ ဇူလိုင်၊ သြဂုတ်လများအတွင်း မြန်မာ့တပ်မတော်သည် ပလက်ဝမြို့နယ်အတွင်းရှိ မိမိတို့တပ်ဖွဲ့ဝင်များရှိသည်ဟုယူဆသည့်နေရာများသို့ တိုက်ပွဲဖြစ်ပွားခဲ့ခြင်းမရှိဘဲ လက်နက်ကြီးများဖြင့် နေ့တိုင်းနီးပါးတောက်လျှောက်ပစ်ခတ်တိုက်ခိုက်နေခဲ့သည်။ အချို့နေ့ရက်များ၌ မြန်မာ့တပ်မတော်၏ တပ်စခန်းများမှလက်နက်ကြီးပစ်ခတ်သည့်အကြိမ်အရေအတွက် စုစုပေါင်း၂၀၀ ခန့်အထိရှိခဲ့သည်။ မည်သည့်တိုက်ပွဲဖြစ်ပွားခဲ့ခြင်းမရှိဘဲ ရမ်းသန်းပစ်ခတ်တိုက်ခိုက်နေခြင်းဖြစ်သည်။

ထို့ကြောင့် သြဂုတ် (၄) ရက်နေ့တွင် ပလက်ဝမြို့အတွင်းရှိ မြန်မာ့တပ်မတော်၏ လက်နက်ကြီးများဖြင့် ပစ်ခတ်တိုက်ခိုက်နေသော ပွိုင့်-၈၂၅၊ ပွိုင့်-၉၈၂ နှင့် ခန်ခတောင်တန်းရှိ ရန်သူ့တပ်စခန်း (၁) ခုအပါအဝင် နေရာ (၃) ခုအား ရက္ခိုင့်တပ်တော်မှ ဝင်ရောက်တိုက်ခိုက်ခဲ့သည်။ အဆိုပါနေရာများ၌ လှုပ်ရှားနေသော တပ်ရင်းများမှာ တပ်မ (၇၇) လက်အောက်ခံ တပ်ရင်းများဖြစ်ကြသည်။ နေရာ (၃) နေရာစလုံး၌ရှိသော ရန်သူများအား ထိထိရောက်ရောက်တိုက်ခိုက်နိုင်ခဲ့သည်။ ရန်သူ (၁၅) ဦးခန့်အား သုတ်သင်ရှင်းလင်းနိုင်ခဲ့သည်။

သတင်းနှင့်ပြန်ကြားရေး
ရက္ခိုင့်တပ်တော်