(၁) ၂၀၂၀ ပြည့်နှစ်၊ ဖေဖော်ဝါရီလ(၂၉) ရက်၊နံနက်(၇) နာရီ (၂၀) မိနစ် တွင် မြောက်ဦးမြို့နယ်နှင့် မင်းပြားမြို့နယ်အကြား မြောက်ဦး( မြောင်းဘွေချေကျေးရွာ) နှင့် မင်းပြား (ဟာရပိုင်ရွာ)အကြား ၌ မြန်မာ့တပ်မတော်၏စစ်ကား(၁၈) စီးပါ စစ်ယာဉ်တန်းအား  ရက္ခိုင့်တပ်တော်မှ မိနစ်အနည်းငယ်ကြာဖတ်တောက်တိုက်ခိုက်ခဲ့သည်။ 

စစ်ကား(၁၈) စီးထဲမှတစ်စီးအားအလုံးစုံပျက်စီးအောင်ထိရောက်စွာတိုက်ခိုက်နိုင်ခဲ့သည်။ ထို့နောက်ရန်သူသည် ၎င်းတို့ပြုလုပ်နေကျထုံးစံအတိုင်း နေရာအနှံ့ရမ်းသန်းပစ်ခတ်တိုက်ခိုက်ခဲ့သောကြောင့် တိုက်ပွဲနှင့်အလှမ်းဝေးကွာသောနေရာမှလူနေအိမ်အချို့ မီးလောင်ပျက်စီးပြီးအရပ်သားအချို့  သေဆုံး၊ ဒဏ်ရာရသူများရှိခဲ့သည်။ အဆိုပါနေရာမှာ ၎င်းရွာများနှင့် (၁) ကီလိုမီတာခန့်အကွာအဝေး၌ရှိပြီး တိုက်ပွဲနှင့် အလှမ်းကွာဝေးသောနေရာများပင်ဖြစ်သည်။ မြန်မာ့တပ်မတော်မှလူမျိုးရေးအမုန်းတရားများဖြင့် ရည်ရွယ်ချက်ရှိရှိရမ်းသန်းပစ်ခတ်တိုက်ခိုက်ခြင်းပင်ဖြစ်သည်။

(၂) မင်းပြားမြို့နယ်၊ ကမ်းနီကျေးရွာ နှင့် ခဲျကျေးရွာ အကြားရှိ ကားလမ်းမထက်၌ နံနက်(၇) နာရီ (၄၀) တွင်လည်း ရန်သူ့စစ်ကြောင်းတစ်ခုကိုလည်း ရက္ခိုင့်တပ်တော်မှ မိနစ်အနည်းငယ်ဖြတ်တောက်တိုက်ခိုက်နိုင်ခဲ့သည်။ မျက်မြင်ရန်သူ(၅) ဦးအားသုတ်သင်ရှင်းလင်းနိုင်ခဲ့သည်။ 

(၃) ရသေ့တောင်မြို့နယ်အတွင်း ထီးစွဲရွာ၊ ရေစိုးချောင်းပတ်ဝန်းကျင်အနှံ့အပြားသို မြန်မာ့တပ်မတော်၏ ရေစိုးချောင်းဗျူဟာ ၊ ရသေ့တောင်အခြေစိုက်ခမရ(၅၃၇) တပ်ရင်းများမှလက်နက်ကြီး၊ လက်နက်ငယ်များဖြင့်တစ်ဖက်သတ်ပစ်ခတ်တိုက်ခိုက်မှုများကို နံနက်(၁၀) နာရီ(၅၀) မိနစ်ခန့်မှစတင်၍တိုက်ပွဲဖြစ်ပွားခြင်းမရှိဘဲ ရမ်းသန်းပစ်ခတ်တိုက်ခိုက်နေခဲ့သည်။ 

နေ့လယ်(၁) နာရီခန့်အချိန်တွင်မှ နှစ်ဖက်ရင်ဆိုင်ထိတွေ့မှုနှင့်အတူ အပြန်အလှန်ပစ်ခတ်တိုက်ခိုက်မှုများစတင်ခဲ့သည်။မြန်မာ့တပ်မတော်၏ အင်အား(၂၀၀) ခန့်ပါသော တပ်မ(၂၂) လက်အောက်ခံတပ်ရင်း နှင့် နေ့လယ်(၂) နာရီကျော်အထိ တစ်နာရီကျော်ကြာ အပြန်အလှန်ပစ်ခတ်တိုက်ခိုက်ခဲ့ကြသည်။ ရန်သူ့ဖက်မှ အထိအခိုက်အကျအဆုံးအား အသေးစိပ်မသိရသော်လည်း ဒဏ်ရာရသူအချို့ ရှိနိုင်သည်။ 

ထို့နောက်ရန်သူသည် ရှေ့ဆက်တိုးလာခြင်းမရှိဘဲ ရေစိုးချောင်းရွာအတွင်းဝင်ရောက်သွားသောကြောင့် တိုက်ပွဲခေတ္တရပ်တန့်ခဲ့သည်။ ထို့အတူလက်နက်ကြီးများဖြင့်ရမ်းသန်းပစ်ခတ်တိုက်ခိုက်နေခြင်းမှာလည်း ညနေ(၃) နာရီခန့်တွင်ရပ်တန့်ခဲ့သည်။

(၄) ရသေ့တောင်မြို့နယ်၊အောင်သာစည်ရွာ မြောက်ဖက်တွင် မြန်မာ့တပ်မတော်၏ တပ်မ(၂၂) ဟုယူဆရသောစစ်ကြောင်းတစ်ခု တစ်ဖက်သတ်ပစ်ခတ်တိုက်ခိုက်မှုကို ညနေ(၄) နာရီ(၅၀) မိနစ်မှ စတင်ပြုလုပ်နေခဲ့ပြီး နေရာအနှံ့လက်နက်ကြီး လက်နက်ငယ်များဖြင့်ရမ်းသန်းပစ်ခတ်တိုက်ခိုက်နေခဲ့သည်။

(၅) ရသေ့တောင်မြို့နယ်၊ ထီးစွဲရ􏰀ွာအနေ􏰁ာက်ဘက် (၂) ကီလိုမီတာအကွာအဝေးရှိမေယုမြစ်အတွင်း၌စစ်အင်အားဖြည့်တင်းရန်သွားလာနေသော ဇက်သဘောၤ(၂)စီး နှင့် Speed boat (၁)စီး အား ဖေဖော်ဝါရီ (၂၉) ရက်၊ ည(၉) နာရီ မှ (၉) နာရီ (၃၀) မိနစ် အထိ မိနစ်(၃၀) ခန့်အပြန်အလှန်ပစ်ခတ်တိုက်ခိုက်မှုရှိခဲ့သည်။ ရန်သူ့ဖက်မှ အထိအခိုက်အကျအဆုံးများကိုမသိရသော်လည်း ဇက်(၁) စီးအားသွားလာ၍မရအောင်တိုက်ခိုက်နိုင်ခဲ့သည်။

သတင်းနှင့် ပြန်ကြားရေး

ရက္ခိုင့်တပ်တော်