ရခိုင်ဒေသအတွင်း၌ မြန်မာစစ်တပ် နှင့် ရက္ခိုင့်တပ်တော်တို့သည်တိုက်ပွဲများနေ့တိုင်းဖြစ်ပွားလျက်ရှိသည်။ အထူးသဖြင့် မြန်မာစစ်တပ်၏ ထိုးစစ်ဆင်တိုက်ခိုက်နေမှုများကြောင့် တိုက်ပွဲများဖြစ်ပွားနေခြင်းဖြစ်သည်။အချို့နေ့ရက် များ၌ မြန်မာစစ်တပ်သည်မြေပြင်မှထိုးစစ်ဆင်တိုက်ခိုက်မှုများကိုမပြုလုပ်ဘဲ လက်နက်ကြီးများဖြင့် တစ်နေ့လုံးပစ်ခတ်တိုက်ခိုက်နေခဲ့သည်။

စစ်ရာဇဝတ်နယ်ခဲျ့မြန်မာစစ်တပ်သည် ရသေ့တောင်၊ ကျောက်တန်းရွာပတ်ဝန်းကျင်ရှိ မိမိတို့တပ်ဖွဲ့ဝင်များအား ကြည်း၊ရေ၊လေ ပူးပေါင်းထိုးစစ်ဆင်တိုက်ခိုက်မှုများကိုအဓိကထားပြုလုပ်နေသည်။ ထို့အပြင် မင်းပြား၊ မြေပုံ၊ အမ်း၊ ပလက်ဝဒေသများအတွင်း၌လည်း ထိုးစစ်များကိုပြုလုပ်လျက်ရှိသည်။

(၁) ၂၀၂၀ ပြည့်နှစ်၊ အောက်တိုဘာလ(၂၃) ရက်နေ့၊ နံနက်(၈) နာရီ (၅၂) မိနစ်တွင်၊ ရသေ့တောင်မြို့နယ်၊ အမျက်တောင်ကျေးရွာ၏ အရှေ့ဖက်ချောင်းကမ်းစပ်အနီး၌မိနစ်(၂၀) ခန့်တိုက်ပွဲဖြစ်ပွားခဲ့သည်။ ချောင်းကမ်းစပ်အနီး၌ဖြစ်ပွားခဲ့သောတိုက်ပွဲအတွင်း ရန်သူ့စက်လှေတစ်စင်းအား ထိရောက်စွာတိုက်ခိုက်နိုင်ခဲ့ပြီး ရန်သူ့ဖက်မှ မျက်မြင်(၆) ဦးသေဆုံးခဲ့သည်။ နောက်ထပ်ထိခိုက်ဒဏ်ရာရသူများလည်းရှိနိုင်သည်။

(၂) အောက်တိုဘာလ(၂၄)ရက်နေ့၌ မိုးရွာသွန်းမှုများသောကြောင့် နှစ်ဖက်တိုက်ပွဲများမရှိခဲ့သော်လည်း ရန်သူသည်၎င်းတို့ထိုးစစ်ဆင်တိုက်ခိုက်လျက်ရှိသောနေရာများအား လက်နက်ကြီးများဖြင့် ကြိုကြားကြိုကြားပစ်ခတ်တိုက်ခိုက်နေခဲ့သည်။

(၃) အောက်တိုဘာလ(၂၅) ရက်၊ နံနက်(၁၀) နာရီ (၄၀) မိနစ်တွင် ပလက်ဝမြို့နယ်၊ အထက်ဝရွာ အနောက်မြောက်ဖက်(၂.၆) ကီလိုမီတာအကွာအဝေးရှိ  ပွိုင့် (၈၂၅) ကုန်းအနီးတွင် မိနစ်(၂၀) ခန့် ထိတွေ့ တိုက်ပွဲဖြစ်ပွားခဲ့သည်။

(၄)၂၀၂၀၊ ခုနှစ် ၊ အောက်တိုဘာလ၊ (၂၆)ရက်၊ နံနက်(၇) နာရီ(၂၇) မိနစ်၊ ရသေ့တောင်မြို့နယ်၊အထက်နန်းရာကျေးရွာ၏ အနောက်ဖက် (၁.၇)ကီလိုမီတာခန့်အကွာ၌ တိုက်ပွဲဖြစ်ပွားခဲ့သည်။ ရန်သူသည် မိမိတို့အား တိုက်ခိုက်လာကြောင့်တိုက်ပွဲဖြစ်ပွားခဲ့ရခြင်းဖြစ်သည်။ ဤတိုက်ပွဲအတွင်း ရန်သူ(၁၀) ကျော်အားသုတ်သင်ရှင်းလင်းနိုင်ခဲ့သည်။

(၅)ထို့အပြင် အောက်တိုဘာလ(၂၆) ရက်၊ နံနက်(၈) နာရီ(၅၀) မိနစ် တွင်လည်း ရသေ့တောင်မြို့နယ်၊ အထက်နန်းရာကျေးရွာ၏ မြောက်ဖက် မီတာ(၃၀၀)ခန့်အကွာ(စေတီကုန်း) အနီး၌လည်း နာရီဝက်ခန့်တိုက်ပွဲဖြစ်ပွားခဲ့သည်။ ဤတိုက်ပွဲ၌လည်းရန်သူသည်အထိနာခဲ့သည်။ မျက်မြင် ရန်သူ့အလောင်း(၁၅) လောင်းအထိရှိခဲ့သည်။

(၆) အောက်တိုဘာလ(၂၆) ရက်၊ နံနက် (၆) နာရီခန့်မှ စတင်ပြီး ပလက်ဝမြို့၊ နှုန်းဘူးငယ်ရွာ၏ အနောက်ဖက်တောင်တန်းရှိ ရန်သူ့စခန်းအချို့အား ရက္ခိုင့်တပ်တော်မှ လျှပ်တပြက်ဝင်ရောက်တိုက်ခိုက်ခဲ့သည်။ မိနစ်(၂၀) ခန့် ဝင်ရောက်တိုက်ခိုက်ခဲ့ပြီး ရန်သူ့ဖက်မှ အထိအခိုက်၊ အကျအဆုံးများရှိခဲ့သည်။ တိုက်ပွဲသတင်း အသေးစိပ်နှင့် နောက်ဆက်တွဲ တိုက်ပွဲအခြေအနေများကိုလောလောဆယ်မသိရသေးပါ။ သိရှိရပါက ထပ်မံတင်ပေးသွားပါမည်။

(၇) အောက်တိုဘာ(၂၆) ရက်နေ့၌လည်းပလက်ဝဒေသ၏ ၈၂၅ ကုန်းအနီး၌လည်း မိနစ်အနည်းငယ်ကြာတိုက်ပွဲဖြစ်ပွားခဲ့သည်။ အထိအခိုက်အကျအဆုံးမသိရပါ။

သတင်းနှင့်ပြန်ကြားရေး
ရက္ခိုင့်တပ်တော်